Директорот на ЦУК

Ангелов за трагичниот случај во кратовско: Има одговорност кај нас, но имам прашања и за други органи

За драмата кога пет лица пеш на носилка по непристапен терен го носеа Златко Божинов од кратовско за да добие лекарска помош, по што и почина, директорот на ЦУК Стојанче Ангелов вели дека доколку тој бил информиран, веднаш би организирал да се испрати хеликоптер. Одговорност има во центарот во Кратово, но и кај нас, рече Ангелов и нагласи дека испратил конкретни прашања на кои ќе чека одговор од министерствата за здравство, за внатрешни работи и за локална самоуправа.

„Констатирано е дека од оперативецот во Кратово не е побарано хеликоптер и не е известена Дирекцијата за заштита и спасување, што претставува кршење на стандардните оперативни процедури и за истото ќе биде спроведена дисциплинска постапка. Од хиерархиски надредените јас како директор на Центарот за управување на кризи не бев известен, бидејќи доколку знаев за овој настан сигурно јас организирав да се испрати хеликоптер за извлекување на лицето. За расветлување на овој настан и за одговорноста која непсорно ја има и кај нас, одговорност ќе ја барам и на други места. Денеска поднесов официјални барања до Министерството за здравство, до МВР и до Министертвото за локална самоуправа кои ќе треба да одговорат на повеќе прашања", изјави директорот на ЦУК Стојанче Ангелов.

Тоа беше неговиот одговор на прашањето чија е одговорноста што Златко Божинов од кратовско пет часа бил носен на носилка по непристапен терен за да му се прижи лекарска помош, откако не бил обезбеден транспорт на ова лице, кое подоцна почина од полседици на мозочен удар.

На денешната прес-конференција во Владата пак, портпаролот Хоџа изјави дека за овој случај е побарана внатрешна контрола во ЦУК и во МВР за одговорност на надлежни службеници.

Програмата за вакцинација во Бугарија може исклучиво да се окарактеризира како фијаско. 

повеќе

Вакцинирањето преку ред, слабата стратегија и лошата комуникација со јавноста ги обележаа првите месеци на вакцинирање во Хрватска која во моментов е близу дното на ЕУ во однос на процентот на вакцинирана популација. 

повеќе