За бомбардерите што летаа над Скопје

Американската амбасада: Како и обично, Русите си играат со вистината, ни снимките не се реални

Русија си игра со вистината, а притоа не користи ни вистински снимки и фотографии, соопшти денеска американската амбасада во Скопје откако руската амбасада вчера на Твитер објави дека двата американски бомбардери што вчера прелетаа над Скопје во знак на поддршка и добредојде за земјава во НАТО биле пресретнати од руски ловци сухои над Балтичко Море.

„Како и обично, си играат со вистината и се обидуваат да го одвлечат вниманието од историското достигнување на придружувањето на Северна Македонија во НАТО - дури и не користат вистински снимки или фотографии. Еве што всушност се случи“, напиша Амбасадата на САД во прилог на соопштение на американското воено воздухопловство.

„Два Б-1Б лансери од воздухопловната база Елсворт, Јужна Дакота, спроведоа долгодострелна, долготрајна стратегиска мисија на бомбардерска единица низ цела Европа и регионот на Црно Море на 29.5.2002 година.

Ова беше првпат мисија на бомбардерска единица да се обедини со украински Су-27 фланкери и МиГ-29 фулкруми и турски КЦ-135.

Во летот имаше и обука за интеграција и интероперабилност со полски Ф-16 и МиГ-29 и романски Ф-16 и МиГ-21, кои обезбедија придружба и заштита од борбена патрола во регионот на Црно Море.

Стратотанкер КЦ-135 од 100-то крило за полнење гориво, РАФ Милденхал, Англија, турски и американски КЦ-135 од воздушната база Инџирлик, Турција, и други авиони за полнење гориво на НАТО, му овозможија на Б-1 без одлагање да го заврши кружното патување од Воздухопловна база Елсворт, истовремено обезбедувајќи и полнење гориво во лет.

Освен тоа, Б-1 се обедини и со Ф-16 на грчкото воздухопловство за прелет над Скопје“, се вели во соопштението на американското воздухопловство за Европа и Африка.

„Мисијата на бомбардерската единица им покажа на нашите НАТО-сојузници, вклучувајќи ја и нашата најнова членка - Северна Македонија - дека овие стратегиски мисии ја зголемуваат подготвеноста и обуката неопходна за да одговорат на секоја потенцијална криза или предизвик низ целиот свет“, рече генералот Тод Д. Волтерс, командант на американската европска команда. „Интеграцијата и интероперабилноста со нашите сојузници на НАТО за време на овие мисии, без оглед дали тоа е воздушна поддршка од танкер или придружба со ловци, се неизбришливи акции што покажуваат дека Алијансата е силна како и секогаш“.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе