Вечерва пред Основниот суд Скопје 1

Протест за поддршка на осудениот Груевски, демонстрантите бараат Иванов да го запре прогонот (ФОТО)

Група демонстранти вечерва излегоа на протест пред Основниот суд Скопје 1, како што велат за поддршка на поранешниот премиер Никола Груевски. Демонстрантите испратија порака „Стоп за политичките прогони". Групата од пред Кривичниот суд се упати кај претседателот Ѓорге Иванов да го достават барањето за, како што велат, прекин на прогонот.

Демонстрантите велат дека покрај сите криминали во државата, на Груевски му се судело за набавка на „мерцедес" што сè уште се возел.

„Упатувам јавна поддршка до Груевски. Фала му за се што направи, неговата борба е и наша борба. Да знае дека македонскиот народ нема да го остави", изјави Александар Трајковски кој заедно со Груевски е обвинет во случајот со насилството во општина Центар.

Трајковски го повика и претседателот на Република Македонија, Ѓорге Иванов да ги преземел работите во свои раце и да го прекине, како што го нарече, политичкиот прогон, а обвиненијата на СЈО ги нарече обвиненија базирани на незаконит начин.

Груевски е осуден на двегодишна затворска казна во случајот „Тенк" на СЈО за незаконска набавка на „мерцедес" од 600.000 евра.

Фото: Роберт Атанасовски

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе