Јавно обвинителство

Предистражна постапка за перење пари на високи македонски функционери во Србија

Основното јавно обвинителство за гонење на организиран криминал и корупција по допрен глас поведе предистражна постапка заради постоење на индиции за сторено кривично дело перење пари и други приноси од казниво дело од чл.273 од Кривичниот законик.

„Предистражната постапка е како резултат на објавените написи од страна на повеќе медиуми во Република Македонија во врска со изјавата на поранешниот српски министер за надворешни работи и претседател на Народната партија во Република Србија, Вук Јеремиќ. Изјавата се однесува на наводно перење пари во Република Србија од страна на високи македонски функционери и нивната поврзаност со физички и правни лица од Србија и Чешка“, соопштија денес од Јавното обвинителство.

Јавен обвинител од Основното јавно обвинителство за гонење на организиран криминал и корупција, велат оттаму, ги презема сите потребни дејствија и координација со  институциите надлежни за откривање на овој вид на кривични дела.

Од Обвинителството истакнуваа дека за понатамошниот тек на постапката јавноста континуирано ќе биде известувана.

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе

Подгорица во 2019 година ќе добие споменик на Јосип Броз Тито.

повеќе

Mоменталната правна поставеност на урбанистичкото планирање не обезбедува соодветна судска заштита на граѓаните.

повеќе