Политика

Со Извршна наредба од американскиот претседател Џо Бајден проширен е опфатот на санкциите во однос на националната вонредна состојба од 2001 година и врз оние лица или ентитети кои го загрозуваат и Преспанскиот договор и Охридскиот договор. Со наредбата на овие лица и ентитети кои не наведени поименично, им се замрзнува имотот и им се забранува влез во САД.

ЕУ мора да го исполни ветувањето за старт на преговорите со Скопје и Тирана, смета шефот на германската дипломатија Хајко Мас, според кого, добро е што португалското претседателство со ЕУ ја држи оваа тема високо на агендата на Унијата.

На денешната седница на Централниот одбор на Социјадемократскиот сојуз Љупчо Николовски е избран за Шеф на Централниот изборен штаб за претстојните локални избори.

„Организиравме предупредувачки протести кои што ќе продолжат и во деновите кои што следат, нема да биде само еден. Продолжуваме и утре во исто време, на исто место, помеѓу 15 и 17 часот. Нашето единствено барање е Нацрт документот по кој што двоецот Заев – Бучковски преговара со официјалната Софија. И ние сме вознемирени и имаме причина и имаме право зошто сме вознемирени бидејќи од сериозни дипломатски извори од Брисел и од Софија стигаат информации кои што навистина се алармантни за македонскиот народ, македонската нација, би рекол и македонската држава", рече претседателот на ВМРО-ДПМНЕ, Христијан Мицкоски во гостување во емисијата „Што не е јасно" на Алфа телевизија.

На денешниот протест на ВМРО-ДПМНЕ, беше приведено едно лице, бидејќи снимал со мобилен телефон. Во текот на денот, приведеното лице беше пуштено на слобода.

ЕУ мора да го исполни даденото ветување за почеток на пристапните преговори со Северна Македонија и Албанија, порача денеска германскиот министер за надворешни Хајко Мас, и додаде дека го разбира разочарувањето во регионот поради малиот напредок на процесот на проширување во текот на минатата година и се заложи за негово повторно придвижување.

Собранието на Македонија изгласа Одлука да се продолжи за шест месеци рокот за постоење кризна состојба на територијата на државата заради заштита на здравјето на населението и безбедност од ширење на пандемија од ковид-19. Со измени на постојната Одлука, наместо 30 јуни 2021, кризната состојба ќе трае до 31 декември 2021. Против одлуката гласаа пратениците на ВМРО-ДПМНЕ кои сметаат дека е непотребно да се продолжува кризна состојба зашто бројот на заразени е намален и дека тоа се прави за да може да се манипулира на локалните избори во октомври.