Жителите на Богданци му пишаа на Заев и побараа затворање на рудникот Казандол

Жителите на Богданци преку собирање потписи и отворено писмо до премиерот Зоран Заев повторно го кренаа гласот против изградбата на рудникот Казандол. Целата иницијатива беше покрената од активистот Илија Тумбов кој за десет дена, од 17 до 26 ноември, успеа да собере 1.301 потписи од жителите на општина Богданци. Тумбов, во име на тие 1.301 граѓанин, преку писмо му се обрати на премиерот Зоран Заев и го потсети на неговите предизборни ветувања дека нема да дозволи отворање на рудник во селото Казандол.

„Вие, господине Заев, во својството лидер на Социјалдемократскиот сојуз на Македонија, истовремено и премиер на Владата на Република Македонија во кампањата за последниве локални избори на митингот во Богданци изјавивте дека вашата партија, заедно со коалицијата, е ориентирана кон создавање услови за здрава животна средина за граѓаните наспроти загадувањето што на животната средина ѝ го нанесуваат рудниците и уште додадовте дека ако треба да бирате меѓу здравјето на луѓето и добивката од рудниците вие ќе се одлучите за здравјето на луѓето. На предизборните митинзи во Пирава и Јосифово, општина Валандово, бевте уште поконкретен во изјавата и рековте дека рудник во Казандол нема да има“, пишува во писмото упатено до премиерот Заев.

Во општина Богданци во јуни годинава се одржа успешен референдум на кој речиси 100 отсто од излезените гласачи се спротивставија на изградбата на рудници во регионот. Во јули против отворањето рудници на референдум се изјаснија и жителите на општина Дојран. 

 

И ако граѓаните или Владата очекуваа дека Јункер на Заев ќе му даде покана со датум за влез на Македонија во ЕУ, тогаш живееме во илузии.

повеќе

Опкружени со балкански хипернационалности, Македонците мора да се борат со тезите дека се „измислен народ“. Всушност, сите идентитети, меѓу кои и грчкиот, се изградени наративи со темели во историјата и во митот. На Македонците им треба име што го потврдува нивниот вистински идентитет независен од Бугарите, Србите или Словените воопшто.

повеќе

Некои политички партии вртат големи суми пари од нивното јавно и приватно финансирање.

повеќе