Земјите од Г7 изразија силна поддршка за преговори на ЕУ со Македонија и Албанија

Г7 - групата седум индустриски развиени земји, ги пофали Албанија, Косово, Црна Гора и Северна Македонија за целосно усогласување на надворешната политика со Европската Унија, вклучително и во поглед на санкциите и ја повикаа Србија да го стори истото, известува Н1. Во соопштението кое се пренесува се нагласува дека Групата Г7 изрази силна поддршка за брзото отворање на преговорите со ЕУ на Северна Македонија и Албанија.

Како што објави германското Министерство за надворешни работи, министрите од Г7 ја потврдија својата посветеност за европската перспектива на шесте земји од Западен Балкан за кои, како што се вели, обезбедуваат безбедност, стабилност и просперитет во регионот.

Министрите ги повикаа Косово и Србија конструктивно да се ангажираат за дијалог со посредување на ЕУ и во целост да ги спроведат претходните договори и тоа без одложување.

Тие го поздравија фактот што Западен Балкан е обединет во осудата на руската агресија врз Украина, особено во Генералното собрание на ОН. Го поздравија усогласувањето на Босна и Херцеговина со рестриктивните мерки на ЕУ против Русија и едностраното усогласување на Косово со тие мерки.

Ние сме земја што први во Европа имаме стратегија за интеркултурализам.

повеќе

Францускиот предлог претставува директно рушење на основните темели на ЕУ.

повеќе

Од мали нозе ги заобиколуваме правилата на игра, па не е ни чудо што потоа се сопнуваме кога ќе истрчаме на терен.

повеќе