Средба на Заев со Венециската комисија

Земјата е модел на партнер во примена на препораките од Комисијата

Република Северна Македонија е модел на партнер на Венециската комисија, бидејќи праксата покажува дека нашата држава ги применува препораките на Комисијата.

Ова, како што соопшти владината прес-служба, е истакнато на средбата на премиерот Зоран Заев, придружуван од министерката за правда Рената Дескоска со делегација на Венециската комисија предводена од шефот на делегацијата, Томас Маркерт.

На состанокот е разговарано за аспектите на примена на донесените измени и дополнувања на Законот за употреба на јазиците, за што нашата држава побара мислење од Венецијанската комисија.

Премиерот Заев истакна дека Венециската комисија е драгоцен партнер на нашата држава, која е определена да гради праведна и правична држава, со еднакви права и должности за сите граѓани, во рамки на концептот Едно општество за сите, што е прифатен и од домашната јавност и од Европската унија.

„Сакаме да ги постигнеме европските стандарди и пракси, во делот на почитувањето на човековите права и во таа насока очекуваме насоки од Венецијанската комисија. Ние како Влада соопштивме уште пред донесувањето на Законот дека ќе го почитуваме мислењето на Венециската комисија и на Уставниот суд. Целта на законот е задоволување на практичните потреби на граѓаните, со цел сите граѓани да се чувствуваат заштитени и со доверба кон институциите на системот. Ние како држава сме Европа во мало и за нас е од големо значење да се поставиме според европските стандарди, применливи за нашата земја, со оглед дека на есен очекуваме позитивна одлука за датумот за почеток на преговорите со ЕУ, а во декември заокружување на интеграциите во НАТО. Сите овие затворени домашни и меѓународни процеси важни за граѓаните отвораат пат на економскиот развој на државата, што веќе ги дава првите резултати“, рече меѓу другото Заев.

Премиерот Заев се заблагодари за досегашната соработка со Венециската комисија и додаде дека очекува таа да продолжи и во иднина, посебно што Република Северна Македонија е посебно посветена на резултати од правосудните реформи и борбата со криминалот и корупцијата.

На состанокот е соопштен впечатокот дека нашата држава со позитивните промени и напредокот, ги има симпатиите на европската и меѓународната јавност, што се очекува да резултира со напредок и во евроинтеграциските процеси.

„Сметам на вас“. Со овие зборови, претседателот Макрон апелираше до граѓаните на Северна Македонија да гласаат за Преспанскиот договор на референдумот на 30 септември 2018.

повеќе

Сѐ додека Македонија ја претставуваат „политички најподобните" ќе тонеме длабоко и уште повеќе ќе се раслојуваме.

повеќе

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе