ЗНМ и ССНМ повикуваат

Здравствените власти да не го ограничуваат пристапот на новинарите

Здружението на новинари на Македонија (ЗНМ) и Самостојниот синдикат на новинари на Македонија (ССНМ) реагираат на попречувањето на работата на новинарските екипи во кругот на Градската општа болница „8-ми Септември“ во Скопје. 

Според повеќе пријави од новинари кои пристигнале до канцелариите на ЗНМ и новинарскиот синдикат, за време на викендот, но и денеска на новинарите и снимателите од страна на обезбедувањето на болницата не им бил дозволен пристап и биле бркани дури и на паркингот на болницата.

„Укажуваме до Министерството за здравство и менаџерите на ГОБ ‘8 Септември“ дека не смеат да го ограничат пристапот на новинарите да известуваат за теми поврзани со работата на болницата и пандемијата. Свесни за сензитивноста на темите за кои има особен јавен интерес, потребно е да се обезбедат услови каде новинарите ќе имаат можност непречено да известуваат“, се наведува во соопштението од ЗНМ.

Оттаму потсетуваат дека слободата на изразување е уставно загарантирано право во Македонија кое не може никој поединец да го ограничи, бидејќи со тоа ќе има прекршување на членот 16 од Уставот. Особено што станува збор за теми од исклучителен јавен интерес.

„Новинарите и уредничките тимови, особено во вакви услови на криза потребно е да известуваат во согласност со етичките принципи на новинарската професија со штитење на приватноста на граѓаните кои можат да бидат дел од сниманиот материјал. Според Етичкиот кодекс на новинарите, новинарот ќе ја почитува приватноста на личноста, освен кога тоа е во спротивност со јавниот интерес, исто така новинарот е должен да ги почитува личната болка и жалост.

Доколку граѓаните имаат забелешки за работата на новинарите и медиумите потсетуваме дека имаат можност да достават претставки до Советот на честа или Советот за етика на медиумите во Македонија“, се додава во соопштението.

ЗНМ и ССНМ бараме од Министерството да ја повлече одлуката за снимање пред тријажниот центар и околу болницата „8 Септември”  само со дозвола од директорот на болницата или Министерството, бидејќи со тоа директно се оневозможува работата на новинарите и фоторепортерите кои известуваат за состојбата со ковид кризата и состојбата во болниците.

 

Структурното насилство кон трансродовите и родово небинарните луѓе е препрека во нивното реализирање како полноправни членови на општеството.

повеќе

И сега вие замислете, на едно детенце од 6 години да му кажувате со авторитет на наставник дека не треба да се дефинира како машко или женско.

повеќе

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе