Софија

Захариева: Никој никогаш не го оспорувал идентитетот на Македонија

Никој не ги спречува нашите соседи да се самоопределат, но тоа не може да се прави врз основа на историски лаги и антибугарска реторика, изјави бугарската министерка за надворешни работи Екатерина Захариева.

„Тоа самоопределување, таа нација што ја создаваат од 1944 година, не треба да се базира на лаги и антибугарска кампања, туку на вистината. Основата на нашиот договор е заедничката историја. Никој не го оспорува правото на Македонија да има држава и како да се самоопределува. Правото на самоопределување е човеково право“, истакна Захариева за бугарската Нова ТВ.

 

Шефицата на бугарската дипломатија нагласи дека во сите документи, вклучително и оние на Европската Унија за почеток на преговорите за членство со земјава, се споменува и Договорот за пријателство и добрососедство што Северна Македонија и Бугарија го постигнаа во август 2017 година.

Захариева смета дека заедничката бугарско-македонска Комисија за историски прашања мора да продолжи со својата работа.

„Поради изборна кампања не може да биде запрена работата на една експертска комисија, која не е политичка. Таа треба да продолжи со нејзината работа“, истакна бугарската министерка за надворешни работи.

Неодамна бугарскиот европратеник Андреј Ковачев се закани дека Бугарија би можела да стави вето на стартот на преговорите на земјава со ЕУ, доколку заедничката историска Комисија не почне со работа до јуни.

Захариева минатата недела одби да го коментира ваквиот став на Ковачев, но потенцира дека инсистира Комисијата да продолжи со работа, додавајќи дека во текот на процесот на преговори на една земја за членство во ЕУ, потребна е согласност на секоја од државите членки на Унијата за отворање и за затворање на поглавјата и за целиот преговарачки процес.

Бугарската министерка во таа прилика додаде дека Бугарија со години е еден од најсериозните поддржувачи на Северна Македонија, но дека инсистира на исполнување на одредбите од Договорот за пријателство, добрососедство и соработка. 

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе

Хрватска и Северна Македонија имаат јаки културни и историски врски и традиционално добри односи. Заради тоа, но и заради хрватското искуство со пристапните преговори, Хрватска треба да биде најдобриот пријател и бранител на нејзиниот европски пат, особено откако Северна Македонија е изложена на токсичен национализам и на неправда, нешто за што во Европската унија не смее да има место, пишува во колумна за Аутограф хрватскиот пратеник Бојан Главашевиќ анализирајќи ги бугарските условувања, но и предупредува дека Хрватска засега молчи..

повеќе