Неофицијално

Заев треба да даде согласност за договорот за името до 9 јуни

Македонската Влада треба да даде согласност на текстот на договорот до 9 јуни. Ова е барањето што му било пренесено на премиерот Зоран Заев од страна на САД, дознаваме неофицијално од дипломатски извори.

Според неофицијалните информации, со договорот што бил постигнат за пакетот Илинденска Македонија се прави „размена“ - ерга омнес употреба на новото име, а за возврат останува македонскиот јазик и идентитетот. Но прашањето било дали во заградите (nationality) и (language) ќе стои ѕвезда * со објаснување дека станува збор за словенско потекло кој нема врска со потеклото на населението во грчка Македонија со што се врши разграничување.

Но, грчкиот министер за надворешни работи Никос Коѕијас во синоќешното интервју за грчката телевизија ЕРТ рече дека на маса се останати три имиња, Северна, Горна и Нова Македонија, објаснувајќи дека македонската страна го отфрлила Вардарска Македонија, а познато е дека уште на стартот на преговорите Атина го отфрли Република Македонија (Скопје). Тој не сакаше да открие кое е договореното име и рече дека „тоа е вклучено во пакетот и ќе треба да го објават двајцата премиери). Коѕијас, исто така не одговори дали името е Северна Македонија, како што се шпекулира во медиумите.

Што се однесува до договорот, тој кажа дека е на 20 страници, а на прашањето дали има  можност да се направат промени во него, рече дека „сѐ што требаше да се направи, е направено“ и објасни дека со неговиот македонски колега, министерот Никола Димитров  на средбата во Брисел, до раните утрински часови одново го разгледале договорот завршен два дена претходно во Њујорк и стигнале до промените што требало да се направат. 

Според Коѕијас, и кај двете влади има волја да се најде компромисно решение, нешто што е нормално во меѓународните односи.

„Мислам дека раководството на ПЈРМ носи многу тешка и правилна одлука за која е потребна голема политичка храброст, голема политичка зрелост и мислам дека тоа го покажуваат и ќе го покажат. Исто така, мислам дека ги објаснуваат и придобивките што постојат за нивната страна“, изјави Коѕијас.

Тој уште објасни дека ако договорот се склучи набргу, во македонското Собрание ќе стигне во следните седмици, референдумот веројатно би бил на есен, додека пак по референдумот, би се направиле уставни промени.

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе

Литературните дејци отсекогаш биле предвесници на некое ново време. Немале натприродна моќ да ја предвидат иднината.

повеќе

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе