Во договор со Александар Вучиќ

Заев: Србија ќе нѝ отстапи 8.000 „фајзерови“ вакцини

Србија на Македонија ќе ѝ даде 8.000 вакцини од производителот „Фајзер", откри денеска премиерот Зоран Заев и додаде дека пратката вакцини е договорена со претседателот на Србија Александар Вучиќ. „Ова е сериозен чин на пријателство“, нагласи премиерот.

„Во директна комуникација со Вучиќ се договоривме дел од нивната набавка на вакцини од производителот „Фајзер" да нѝ бидат отстапени, односно 8.000 вакцини. Вучиќ сакаше тоа да биде нивна донација, но сепак се договоривме вакцините да ги платиме по набавната цена", изјави Заев, нагласувајќи дека тоа е среќна вест.

Премиерот изрази благодарност до северниот сосед.

„Јас сум благодарен и сакам од името на целиот македонски народ да изразам благодарност до Србија. Ова е сериозен чин на пријателство", рече Заев.

Тој рече дека било разговарано и за евентуална набавка на вакцини од другите производители, за што српските власти ќе треба да извршат проверка дали и колку дози би можеле да отстапат.

Деталите околу приемот на вакцините ќе ги договорат министрите за здравство на двете земји, а денеска на оваа тема Заев ќе разговара со премиерката на Србија Ана Брнабиќ и Зоран Зааев.

На прашањето кој ќе има приоритет да се вакцинира со овие вакцини Заев одговори: „ Како и што личи, за нашите херои, здравствените работници од ковид-центрите".

Инаку, денеска во Србија се очекува да пристигнат уште близу 20.000 вакцини од „Фајзер/Бионтек“, покрај првата пратка која пристигна уште во декември. Викендов на аеродромот во Белград пристигнаа и еден милион кинески вакцини, а се очекува деновиве и пратка од руската вакцина „Спутник“.

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе