Премиерот од Неготино за преговорите со Бугарија

Заев: Спокојно, никој не преговара за македонскиот јазик и идентитет

За сите граѓани кои вистински се грижат, да ги осигурам дека никој не преговара за македонскиот идентитет и за македонскиот јазик.Преговараме за долгото и кратко име на државата, утврдуваме дека немаме територијални претензии, немаме мешање во внатрешните работи, ниту  за малцинството, нема ниту Бугарија, изјави денеска премиерот Зоран Заев во Неготино.

„Ставот е јасен за сите. Ние сме самостојна нација, која што се развила како што се развивале паралелно сите други нации. Нашиот јазик е исто, како и други јазици, потекнува од старословенскиот јазик, од старословенската култура, преку развивање на глаголицата од свети Кирил и Методиј и кирилицата од нивните наследници свети Климент и Наум Охридски. Така се развивале јазиците. Точно е дека имаме дел заедничка историја, која што ги поврзува двата народа и двете држави, од каде буквално се создаваат и македонскиот и бугарскиот јазик, па и српскиот и сите други словенски јазици, изјави Заев, одговарајќи на новинарски прашања по промоција на фотонапонска централа во Неготино, јави МИА.

Само со почит едни кон други, рече Заев, можеме да постигнуваме договори кои ќе градат перспективи и пријателства.

„Преговараме за работите од каде почна проблемот. Долгото и краткото име. Дали Северна Македонија има аспирации кон Бугарија или не. Утврдивме, како што го решивме во НАТО, така и во ЕУ, преку нота, во која потврдуваме дека Северна Македонија нема територијални претензии и за мешање во внатрешните работи и за малцинските права, затоа што и Бугарија нема и тоа е меѓународно регулирано, рече Заев.

Се разговара, нагласи тој, за стопирање на говорот на омраза, за фази и акциски планови за поуспешно имплементирање на Договорот.

„Секако решението за јазикот, затоа што во преговарачката рамка се упатува на преведување на акит на македонски јазик и тука дојде реакцијата од страна на Бугарија. Ние го имаме решението и тоа за Бугарија македонскиот јазик значи македонски јазик согласно Уставот, за ЕУ македонскиот јазик е чиста работа. За нас бугарскиот јазик значи бугарски јазик согласно Уставот на Бугарија. Ама во 21 век да ставаме вакви билатерални клаузули навистина не е во ред и убаво е да се направи исчекор од страна на Бугарија, која што неколку пати кажува дека ја прифаќа реалноста, го признава македонскиот јазик и народ, но ајде да го утврдиме минатото", изјави Заев.

Тој рече дека разговорите треба да продолжат без разлика на исходот и тоа на 10-ти или на 18 декември, кога треба да се донесе одлуката.

„Сепак стратегија на држвата е дека треба да продолжиме да разговараме. Во најмала рака да создаваме атмосфера и да отстрануваме пречки за следното лето, но ако може тоа да го постигнеме и сега би требало да правиме максимални напори до последниот момент", изјави Заев.

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе