Влада

Заев: Со допис до НАТО побаравме исправка за користењето на терминот „македонски јазик“

Премиерот Зоран Заев денеска изјави дека е испратен допис до НАТО со кој се бара корекција во делот на користење на терминот „македонскиот јазик" на веб страницата на НАТО-Алијансата.

„Меѓународните институции го признаваат македонскиот јазик и идентитет и верувам дека со дописот што го испративме ќе го корегираат. Некогаш се случуваат грешки, веројатно и во делот на формулацијата, некојпат за сите е новина, па и за меѓународната заедница, исто така, е новина сето тоа што се случува во делот на Северна Македонија – новото име на нашата земја, што се надевам ќе биде и во функција после гласањето во грчкиот Парламент. Затоа што самото користење и на новото име кај нас, различно од идентитетските прашања како Македонци, кои зборуваме македонски јазик, а ќе бидеме од Северна Македонија треба јасно да се разграничи. Постојат веќе формулирани, готови протоколи каде тоа се објаснува и на сите меѓународни организации“, рече Заев на новинарско прашање по посетата на клиниката за неврологија.

Тој потсети дека нашата земја веднаш по ратификацијата на Протоколот треба да испрати писмо до 193 членки на ОН, во кое ќе бидат објаснети сите аспекти на употребата на новото име.

Дел од јавноста во Македонија се побуни што завчера, за време на церемонијата на потпишување на пристапниот Протокол за НАТО, Алијансата прв пат, не го искористи зборот „македонски јазик“ на својата веб страница, и покрај тоа што секогаш досега го користела.

Официјални извори во НАТО за МКД.мк изјавија дека ќе можат да го користат терминот „македонски јазик“ откако ќе завршат сите процедури врзани за договорот од Преспа.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе