Пред инаугурацијата

Заев со честитка за Пендаровски: Добивме лидер кој се приклучува во водството напред

Премиерот Зоран Заев денеска испрати честитка по повод инаугурацијата на претседателот на државата Стево Пендаровски во која што напиша дека земјава со Пендаровски добива лидер кој се приклучува во водството напред.

Заев му изразува поддршка на Пендаровски и најавува дека заеднички ги чека многу работа, а одговорноста е голема.

„Денеска нашата земја добива претседател, тоа е нашиот Стево Пендаровски, лидер кој ни се приклучува во водството напред, во нашата заедничка иницијатива со која ја правиме Северна Македонија убаво место за живеење. Денеска Пендаровски ја презема должноста да биде претседател на сите граѓани, натпартиски, да се бори за правда и правичност и да ја претставува земјата достоинствено насекаде низ светот”, пишува во честитката.

Заев уште додава дека граѓаните потврдија дека мора да се продолжи напред, преку заедништво.

„Драг Стево, нека е честито. Успеавме. Граѓаните потврдија дека мораме да продолжиме напред, преку заедништво. Ти посакувам успех и верувам во конструктивна соработка во интерес на развојот. Сега одговорноста е голема. Те поддржувам за да им служиш посветено и праведно на сите граѓани и на нашата држава. Честитки, се гледаме наскоро во Скопје, на првото претседателско-премиерско кафе, и на првиот работен состанок. Нѐ чека многу заедничка работа, за нашиот народ”, пишува Заев. 

 

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе