За АНА-МПА

Заев се надева на средба со Ципрас во Атина после Нова година

Премиерот Зоран Заев планира после Нова година да ја посети Атина и да се сретне со грчкиот премиер Алексис Ципрас и останатит високи грчки функционери. 

„Ја планирам мојата посета на Атина и се надевам на почетокот на идната година да се сретнам со премиерот Алексис Ципрас, со министерот за надворешни работи Никос Коѕиас, со претседателот на Грција  и со грчки пратеници“, изјавил Заев во интервју за грчката агенција АНА-МПА.

Во интервјуто Заев говори за неговите заложби и посветеност за градење пријателски односи со Грција базирани на взаемна доверба, со што ќе се олесни решавањето на прашањето за името.

Тој директно побарал поддршка и помош од грчките граѓани и, преку институциите, од грчката влада, од опозицијата и од грчкиот парламент.
Во однос на прашањето за името, рекол дека тоа „деликатно прашање и не е лесно ни за грчките политичари, но изразил подготвеност „да се обидат да се разберат меѓусебе и да поттикнат решение што ќе биде взаемно прифатливо“.

Заев, исто така нагласил дека за Македонија нема алтернатива на членството во НАТO и во ЕУ и дека владата која што тој ја предводи работи на реформите, особено во судството, јавната администрација и образованието, додека во надворешните односи врвен приоритет е подобрувањето на односите со соседите. 

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе