Заев: Потегот на ЛДП го сметам за удар против СДСМ, можеа да почекаат 15 дена или еден месец

Премиерот Зоран Заев ја разбира одлуката на Либерално-демократската партија нејзините двајца пратеници да делуваат самостојно во Парламентот, но смета дека времето за ваквиот потег не е соодветно.

„Одлуката на ЛДП е донесена уште во текот на формирањето на владината коалиција и чекаа соодветен момент. Објаснувањето за ова е дека сакаат да имаат поголема видливост, бидејќи наводно помалите партии се претопени во поголемите и го разбирам тоа“, рече Заев, одговарајќи на новинарски прашања по сведочењето во случајот „Титаник“.

Пред новинарите кажа и дека и во Беса размислувале за таква одлука па нивно право е дали со четворицата пратеници ќе одлучат да формираат пратеничка група.

Но, според Заев, одлуката на ЛДП во време кога опозицијата зборува за ново мнозинство во Парламентот, не е соодветна.

„Ваквиот исчекор на ЛДП е повредување на коалицискиот или заедничкиот настап. Не е потребно сега, можело да се почека 15 дена или месец дена, ама ЛДП е партија и сама си одлучува за тоа. Ова го сметам за удар на СДСМ, бидејќи времето не соодветно за таква одлука“, изјави Заев.

 

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе