Заев: Нема договарање за поткуп во разговорите обезбедени со ПИ мерки

По рочиштето за случајот „Поткуп" во Основниот суд Скопје 1 кое траеше повеќе од два часа, премиерот Зоран Заев кој е обвинет во постапката во изјава за медиумите рече дека нема ништо незаконско во прислушуваните разговори кои се доказ во оваа постапка.

Заев додаде дека на денешното рочиште кое беше затворено за јавноста биле преслушани сите разговори обезбедени со ПИ мерки и прегледани сите СМС пораки, но ниту во разговорите ни пак во СМС пораките немало договарање на поткуп.

„Нема ништо од обидите за земање поткуп во разговорите, ниту во СМС пораките. Во разговорите има разговори со службеници од општина Струмица, како и со сведокот Иван Николов за да се забрза процесот за купување на земјиште, но не и за поткуп. Сите разговори се преслушани, во нив никој не побара пари и повеќе од јасно е дека се работи за монтиран процес“, изјави премиерот Заев по завршување на рочиштето.

Неговиот адвокатски тим појасни дека Апелацискиот суд сѐ уште нема донесено одлука по жалбата на обвинителството и не се знае дали јавноста ќе може да ја чуе и види целосната снимка чии делови веќе беа објавени на Јутјуб и која е доказ во оваа постапка.

Следното рочиште за случајот Поткуп е закажано за 30 април.

К.Д.

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе

Како граѓани на независна и суверена Република Македонија веќе се навикнавме постојано да живееме во секојдневни тензии и стресови.

повеќе