ЦО на СДСМ во Охрид

Заев: Нема да има предвремени избори, ќе има реконструкција на Владата и смена на 20 директори

Реконструкција на Владата, а не одлука за предвремени парламентарни избори. Продолжување на политиката на евроатлантската интеграција е заклучокот од дебатата во рамки на деветтата седницата на Централниот одбор на СДСМ што вечерва се одржува во Охрид. Заев за до крајот на месецов најави смена на 8 министри, исто толку заменици и 20-тина директори на јавни претпријатија в.

Претседателот на СДСМ и премиер Зоран Заев во изјавата за медиумите појасни дека политиката на градење перцепција пред јавноста биле заради заокружување, бетонирање на извесната евроинтеграциска иднина на земјата.

„Покрај тоа што одлично се движат процесите на ратификациите за нашето членство во НАТО, втората цел е конечно после 15 години да добиеме датум за почнување на преговорите за членство во ЕУ. Уверувањата ги добивме од земјите-членки, Европскиот совет ќе донесе заклучок, ќе има изјави на 20-21 јуни, а секако Бундестагот ќе ја направи верификацијата за извештајот во септември, и конечно добивањето на датумот ќе следи во октомври“, рече лидерот на СДСМ.

Тој истакна дека доколку пролонгирањето на извештајот и самиот датум за преговори е заради констелацијата поради изборите за Европарламентот и доколку тоа е причината за пролонгирањето за одлуката за датум за преговори, важно е конечно да биде донесена одлуката, па нека биде и во октомври.

„Два или три месеци не се толку важни. Драго ми е што и Бундестагот преку пратениците тоа го потврди. Сето тоа не става во позиција да го скратиме времето на кои било политички промени и да донесеме одлука која што е најцелисходна за државата и за граѓаните, а тоа е да завршат проимените и Владата да продолжи со целиот капацитет и да се посвети на реформите, но и на економските перспективи како приоритет за оваа година“, истакна Заев. Toj најави смена на неколку министри и дваесетина директори.

 

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе