„Пуста желба за власт, пусто само да се победи“

Заев не размислува за оставка: Зошто? Мицкоски да дојде премиер да биде?

Не размислувам за оставка, изјави денеска премиерот Зоран Заев одговарајќи на барањата на опозициските партии за негова оставка по пожарот во тетовската модуларна ковид-болница во кој загинаа 14 граѓани. Тој во изјавата на Зијадин Села, кој вчера од него побара оставка од морални причини, гледа политикантство, желба за власт и за победа на изборите.

„Зошто? Мицкоски да дојде премиер да биде? Не размислувам, затоа што тој ќе биде премиер или заменик-премиер претседателот на Алијанса кога ќе заслужат, кога ќе имаат емпатија со народот, кога ќе бидат тука да помогнат, кога ќе даваат идеи. А не вака грозотијата да ја користат на најлош начин, кога целата наша нација е во длабока болка и црнило. И тоа во трите дена на жалост без да калкулираат за чувствата на семејствата, на децата, на родителите, на сите нас. Болката е искрена кај сите нас и тоа го гледаме.. Нема да се победи, сè додека вака се однесуваат ќе губат на избори затоа што другата алтернатива е заедништвото, инвестициите …“, рече Заев, одговарајќи на прашањето дали тој лично размислувал за оставка од морални причини.

Тој, по посетата на новата фабрика за кабли во Сарај повтори дека ќе ги почека форензичките извештаи за да се дознае од што точно е предизвикан пожарот и тоа да може да се превенира во иднина, па потоа ќе донесе одлука за оставките на министерот Венко Филипче и заменикот министер Илир Хасани.

Според Заев, модуларните болници во земјава се безбедни и се од истиот тип и со истиот стандард како што се и насекаде во светот.

„Тие спасија илјадници животи и во моментот во нив има околу 200 наши граѓани кои се лекуваат ширум земјата. Секако верувам дека се безбедни и се согласно стандардите и така треба да продолжиме и да ги користиме. Како што реков и вчера, дополнително проверките се засилени за да може да се проверат од секој аспект, и од противпожарен и од безбедносен аспект“, рече Заев.

 

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе