Собрание

Заев на средба со Села и Касами во потрага по 2/3 мнозинство за Законот за јавно обвинителство

Премиерот Зоран Заев денеска во Собранието ќе се сретне со лидерите на албанските опозициски партии со цел обезбедување поддршка за новиот Закон за јавно обвинителство и решавањето на статусот на СЈО преку истиот.

Третата средба на работните групи на Владата и на опозициската ВМРО-ДПМНЕ ќе имаат средба денеска во 18 часот во Министерството за правда. Темата е Законот за јавно обвинителство, откако завчера амандманите на опозицијата беа испратени до министерката за правда, Рената Дескоска.

Пред два дена Христијан Мицкоски, претседателот на ВМРО-ДПМНЕ се сретна со осумте независни пратеници кои беа исклучени од ВМРО-ДПМНЕ по нивното гласање за уставните измени.

Владејачката коалиција е во потрага по двотретинско мнозинство во Собранието за усвојување на измените во Законот за јавно обвинителство, со кои се дефинира статусот на Специјалното јавно обвинителство.

Европската комисија бара овој закон да биде донесен со широк консензус и така да се зацврсти неговата иднина како услов земјата да добие датум за преговори со ЕУ во јуни.

ЕУ треба принципиелно да реагира на отворениот национал-шовинизам на бугарскиот парламент, се вели во отвореното писмо на македонски академици и професори до европретставниците во Македонија.

повеќе

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе