Заев на средба со ДИК: Сите професионално да си ја завршат работата за референдумот

Премиерот Зоран Заев, заедно со министерот за комуникации, отчетност и транспарентност, Роберт Поповски, денеска се сретна со претседателот на ДИК, Оливер Дерковски и членовите на Комисијата. На средбата била заеднички нагласена важноста од професионално и транспарентно работење на ДИК пред и на денот на претстојниот референдум, со цел доверба на сите граѓани и политички субјекти во процесот.

На состанокот се разговарало за потребните услови за реализација на процедурите за спроведување на референдумот, како и за овозможувањето непречено извршување на законските обврски на ДИК поврзани со референдумот.

„Референдумот е обврска од важен државен карактер. Сите институции се должни да соработуваат со ДИК. И Владата стои на располагање, на принципиелно ниво, согласно законските овластувања, да обезбеди реализација на законските потреби на ДИК и тоа ќе го направиме“, рекол Заев.

Дерковски и членовите на ДИК изјавиле дека работат професионално, штедливо и домаќински и дека ќе продолжат во таа насока, за достоинствено да одговорат на законските обврски пред граѓаните.

„Верувам дека секој ја знае својата професионална и човечка одговорност за овој важен процес, должни сме сите професионално да си ја завршиме работата“, изјавил Заев.

На средбата се разговарало и за медиумската кампања поврзана со референдумот, за потребата од почитување на законските одредби поврзани со кампањата за референдумот од страна на сите чинители, како и за финансиските средства што му се потребни на Собранието за спроведување на медиумската кампања.

 

Граѓаните сѐ повеќе ја согледуваат неопходноста од непартиска форма на самоорганизирање.

повеќе

Придобивките од дрвјата за урбаниот екосистем и квалитет на воздухот можат да се зголемат со систематско планирање на зелениот простор. Дизајнирањето на зелените простори во градовите треба да ја опфати и функцијата за чистење на воздухот.

повеќе

На Грците не им е важно дали вечно ќе ја нарекуваат соседната земја „Скопје“, или дали соседите утре сами ќе почнат да се нарекуваат „Република на Осамениот Бор“. Она што ним навистина им е важно е како ја нарекува остатокот од светот.

повеќе