Заев: Мицкоски претера, можеби ќе го тужам

Вчера првиот човек на ВМРО-ДПМНЕ Христијан Мицкоски изнесе индиции и за убиство, овие изјави се претерани, ја разгледувам можноста и за тужба, изјави попладнево претседателот на СДСМ Зоран Заев.

„Јас сум од крв и од месо, транспарентен, нормален човек. Само ќе кажам забегана работа. Се претера. Јас сум бил во притвори, пред притвори, со одземени пасоши. Сум објавувал политички бомби, но секогаш сум внимавал на зборовите што ги употребувам. Со моите правни советници ќе се консултирам дали треба да тужам, затоа што тој индицира обиди за убиство, зборува за некаква жестокост или сл. Тоа зборува за него, но најблаго кажано е забегано. Времето ќе покаже што е што, останувам посветен на она што е важно за државата и што е во интерес на граѓаните на Република Северна Македонија“, рече Заев.

Тој изјави дека не е целосно запознаен со одлуката на опозициската ВМРО-ДПМНЕ и нивната пратеничка група дека ќе го замрзнат учеството во носењето на системските закони, за што причина се случувањата со правосудството, но смета дека е важно опозицијата да учествува во реформските процеси.

„Важните работи за државата треба да се случуваат заедно. Премногу важни работи во РСМ се случија без опозицијата. Не треба да дозволи опозицијата и понатаму важните политички процеси за нашата заедничка земја да се случуваат без најголемата опозициска партија без разлика дали се тоа реформите, процесите во Собранието или какви било други процеси“, рече Заев.

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе

Додека повеќето земји во светот се соочуваа со двојна, здравствена и економска криза, Косово преминуваше во тројна криза заради политичките случувања.

повеќе