На маргините на самитот ЕУ-Западен Балкан

Заев и Ципрас имаат големи очекувања од утрешната средба во Софија

Големи очекувања и позитивни моменти, очекуваат премиерите на Македонија и на Грција, Зоран Заев и Алексис Ципрас, од утрешната билатерална средба во Софија на маргините на самитот ЕУ-Западен Балкан.

Заев и Ципрас попладнево заедно учествуваа на самитот на европските социјалисти и на крајот излегоа како оптимисти пред утрешната средба.

Очекувам само позитивни моменти и да се потврди она што досега е постигнато“, изјави кусо Заев за очекувањата од утрешната средба без да оди во детали.

Ципрас беше уште пократок во изјаваата излегувајќи насмеан од самитот на социјалистите.

„Имам големи очекувања од сѐ“, кусо одговори грчкиот премиер на прашањето на МКД.мк.

Во моментов Заев е на билатерална средба со францускиот претседател Емануел Макрон по што вечерва се организираат три посебни вечери - една на лидерите на ЕУ, една на социјалистите и една на Европската народна партија.

За Македонија важен е утрешниот ден кога се одржува самитот ЕУ-Западен Балкан во чии завршни заклучоци, според неофицијалните информации, нема многу детали за проширувањето, но Заев рече дека е оптимист за напредок во однос на самитот.

                                                                                       За МКД.мк од Софија

                                                                                       Жана П. Божиновска

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе