Заев - Блок: Одржливи резултати во реформите го отвораат патот на Македонија кон ЕУ

Важноста на големата историска одлука, пред којашто се исправени граѓаните на Република Македонија, претстојниот референдум на 30 септември, како и реформските процеси во земјата за исполнување на евроатлантските интеграции биле главна тема на денешната средба на премиерот Зоран Заев со холандскиот министер за надворешни работи, Стеф Блок.

На средбата, како што соопшти владината прес-служба, Заев рекол дека посетата на Блок е во историски период за Македонија, за време на кампањата за референдум, со кој е заокружен неколкудеценискиот спор со Грција и кога граѓаните на Република Македонија ќе имаат можност слободно и демократски да го изразат својот став.

„Заев искажа благодарност за континуираната поддршка во градењето на нашата земја како европска и демократска и изрази уверување дека Владата останува фокусирана на обезбедување на конкретни и одржливи резултати во правец на реформите во областа на судството, безбедносните служби, јавната администрација, слободата на говорот и обезбедување на подобрување на условите на медиумите, за функционирање на независни медиуми, како и продолжување на напорите за интензивирање на борбата против корупцијата”, стои во соопштението.

Блок ја пренел поддршката која континуирано ја дава Холандија, акцентирајќи дека таа е базирана на исполнувањето на условите и имплементацијата на реформите, кои, како што рече, се клучни кон отворањето на патот на Македонија кон ЕУ и НАТО.

„Двајцата соговорници се согласија дека почитувањето и практицирањето на политиката на добрососедски односи и соработка ја подобрува и сликата на целиот регион и отвора можност за просперитет на сите земји од западниот Балкан”, се наведува во соопштението. 

 

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе