Реакција

За амбасадата на Германија изјавите на Мицкоски за нирнбершките процеси се целосно неприфатливи

Германската амбасада во земјава се огласи со соопштение по изјавата на претседателот на ВМРО-ДПМНЕ, Христијан Мицкоски дека судењето за настаните од 27 април ќе биде практично нирнбершки процес и ваквата споредба ја оцени како несоодветна.

„Споредбата на постапките на правосудните служби на Северна Македонија со нирнбершките процеси е несоодветна. Со тоа се минимизираат делата на наци-злосторниците. Одговорните лица во Северна Македонија треба да придонесат за надминување на поделбата на општеството и да водат конструктивен дијалог за иднината на земјата во правец на евроатлантските интеграции. Освен тоа, самите изјави за нирнбершките процеси се целосно неприфатливи“, се вели во соопштението од германската амбасада.

Претходно и Амбасадата на САД излезе со реакција и порака до Мицкоски дека неговата реторика е опасна.

Реакцијата следеше по изјавите на Мицкоски во интервјуто за ТВ Сител. 

„Имам информации дека Митко Чавков е осуден на подолго од 14 години. Очекувам вкупната пресуда што ќе се изрече дека ќе биде преку 100 години за сите луѓе и ќе биде практично Нирнбершки процес, осветољубие и ништо друго“, рече Мицкоски, коментирајќи го притворањето на Митко Чавков пред изрекувањето на пресудата за 27 април.

 

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе