Српскиот министер за одбрана со порака

Вулин: Заев мора да знае дека нема Косово и Србија, туку само Србија и територија под управа на ОН

Српскиот министер за одбрана Александар Вулин реагираше на изјавата на македонскиот премиер Зоран Заев кој во Брисел ги повика Србија и Косово да го продолжат дијалогот. 

„Зоран Заев мора да знае дека нема Косово и Србија, туку само Србија и територија под привремена управа на ОН, во согласност со Резолуцијата 1244 на ОН”, изјавил Вулин. 

Министерот за одбрана на Србија, како што пишува РТС, коментирајќи ја изјавата на македонскиот премиер, порача дека Македонија и Србија немаат исти цели. 

„Ние сакаме слобода и самостојност и сами да одлучуваме за себе. Значи, Србија, се додека ја води Александар Вучиќ, ќе остане воено неутрална и слободна, па макар да биде и последната земја која што не е членка на НАТО”, изјавил Вулин. 

Премиерот Заев денеска, по поканата до Македонија да се приклучи на НАТО, изјави дека сите треба да го следат примерот на Македонија и ги повика Србија и Косово да го продолжат дијалогот. 

 

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе

Подгорица во 2019 година ќе добие споменик на Јосип Броз Тито.

повеќе