Еден час пауза во Собранието

Второ гласање за законот за ЈО, 80 „за“, 6 „против“, опозицијата извикува „Криминалци“

Законот за Јавно обвинителство е донесен, заклучи претседателот на Собранието Талат Џафери и даде пауза од еден час. При второто гласање за предлог-измените на Законот за Јавно обвинителство 80 пратеници гласаа за, а шестмина беа против.

Откако Џафери констатира дека законот е донесен, Никола Мицевски, координаторот на пратеничката група на ВМРО-ДПМНЕ, од собраниската говорница извикуваше „Криминалци“ и „Срамота“.

„Ова е класично кршење на деловник, на Устав. Констатиравте дека второто гласање е завршено и дека законот е донесен. Срамота е ова што го правите“, изјави координаторот на пратеничката група на ВМРО-ДПМНЕ.

Петнаесетина минути пред тоа само 74 пратеници гласаа за законот, што не беше доволно за двотретинско мнозинство, по што Џафери го поништи гласањето.