Вселенската патријаршија го отвори прашањето за македонската црква

Вселенскиот патријарх Вартоломеј реши да го отвори прашањето за решавање на конечниот статус на македонската црква.

Одлуката на Светиот синод на Цариградската патријаршија да го отвори ова прашање е врз основа на барањата на Македонската православна црква - Охридска архиепископија и на Владата на Република Македонија за решавање на статусот, јавија српски медиуми.

Иако во соопштението од Вселенската патријаршија не се соопштуваат детали за разговорот по ова прашање, сепак поставувањето на дневен ред, како што велат аналитичарите, значи ставање во процедура на ова барање, пишува „Нова Македонија“.

Во јануари 2019 година, Вселенскиот патријарх Вартоломеј на украинскиот митрополит Епифаниј му предаде томос (декрет) за автокефалноста на Украинската православна црква која ја доби својата независност од Руската православна црква.

Српската православна црква не ја признава МПЦ-ОА. СПЦ не ја признава и Украинската православна црква, а една од причините е и тоа што ова може да доведе до признавање на православна црква на Црна Гора и на МПЦ. Српскиот патријархот Иринеј изјави дека на почетокот на годинава ја одбил поканата да присуствува на инаугурацијата на поглаваратот на, за Србија, непризнаената украинска црква.

Верските црковни официјални лица и аналитичари сметаат дека ова е почеток на решавањето на многу отворени верски прашања, а украинскиот рецепт може да биде применет и во случајот со МПЦ.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе