Додека пленарната сала е празна

Врие по ходниците и кабинетите во Собранието

Неизвесноста продолжува. Собраниската седница за пристапување кон уставните измени требаше да почне во 12, па во 15 часот. Пред и околу собраниската зграда врие од полиција.

Претседателот на Собранието наводно му порачал на собраниското мнозинство да му јават кога ќе обезбедат двотретинско мнозинство. Пратеникот Стоиљковиќ на Фејсбук напиша дека Собранието е претворено во сточен пазар. Велат, недостигаат уште два прста, двајца пратеници, за бројката од 80 што би стиснале копче за промена на Уставот и името.

Во Собранието врие. Ама не во салата за пленарни седници, туку по ходниците и кабинетите на пратениците и на координаторите на пратеничките групи. Се шпекулира дека при крај е убедувањето, притисокот или уценувањето на уште два-тројца од пратениците на опозицијата за да се дојде до посакуваната бројка 80.

Петнаесет минути пред 15 часот Антонио Милошоски со дваесетина пратеници зад себе (недостигаа другите дваесетина) излезе на конференција за печатот и побара од претседателот на Собранието Талат Џафери веднаш да закаже гласање. Но тоа засега не се случува.

Крсто Мукоски денеска беше третиот пратеник од обвинетите за случајот „27 април“ што за последните три дена од судот доби решение за укинување на куќниот притвор.

Џафери има право да го закаже продолжението за в понеделник, или, како што се споменува, и за в среда.

За в понеделник најавена е и посета на заменик-помошникот на државниот секретар на Стејт департментот, Метју Палмер. Палмер денеска е во Белград, од каде уште еднаш порача дека Преспанскиот договор е историска шанса за земјава, која нема да се повтори.

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе