Вработените од 1ТВ на колективен одмор, вечерва беше можеби последниот Дневник

Вработените во телевизијата 1ТВ од денеска се на колективен одмор, а вечерва, како што објави телевизијата, се емитуваше можеби последниот Дневник.

Засега е неизвесно што ќе се случува понатаму со медиумот. Сметката на телевизијата е блокирана откако неформалниот сопственик Бојан Јовановски-Боки 13 беше уапсен како осомничен во случајот „Рекет” што го отвори Обвинителството за гонење на организиран криминал и корупција. 

„Вечерва, 24.07.2019, можеби беше и последниот Дневник кој го гледавте на 1ТВ.

Најголемиот удар кој новинарството може да го доживее е згаснување на еден медиум. Згаснување на јавен простор, за што веруваме дека никому не оди во прилог, особено не на државата која е пред портите на НАТО и ЕУ, односно највисокото ниво на демократски вредности.

Денеска, исправени пред предизвикот на овие тешки две недели за телевизијата, соочени сме дури и во вакви услови да не отстапиме од објективно и професионално известување. Тимот на 1ТВ ги почитува сите новинарски стандарди и известува непристрасно. Гледачите беа сведоци дека 1ТВ ги изнесе сите информации во јавноста, дури и во услови кога иднината на телевизијата е загрозена. Сепак, случувањата поврзани со Бојан Јовановски, влијаат и на медиумот.

1ТВ беше мета на неосновани напади, шпекулации и лажни вести со цел да се дискредитира новинарскиот кадар. Лажните вести, можат да бидат интересни за одредени центри на ден-два, но останува поголемата слика. А тоа е дека 1ТВ во иднина може да биде медиум за остварување на професионалните планови на постоечките, но и идните генерации на новинари. Целиот новинарски кадар на 1ТВ е горд што покажа и докажа пред македонската јаност дека дури и на своја штета постојат луѓе кои ги бранат новинарските стандарди и новинарската професија. Начинот на кој телевизијата известува за случајот ‘Рекет’ е позитивен преседан во македонското новинарство”, објави телевизијата.

 

Македонија во НАТО е заслуга на сите политички партии од  осамостојувањето на земјата, а не само ДУИ.

повеќе

„Каде да летнеме викендов е пристап што како таков повеќе нема да постои“...

повеќе

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе