Во Собранието формирани 4 пратенички групи, пратениците од ДПА и Левица ќе делуваат како независни

Парламентарните партии до претседателот на Собранието испратиле дописи за формирање пратенички групи. Во Собранието се формирани четири пратенички групи, по две од владејачкото мнозинство и опозицијата, како и пратениците од Левица и ДПА кои не се во пратенички групи, објави МИА.

Како независен пратеник на собраниската веб – страна засега фигурира само Игор Дурловски, кој е дел од опозициската ВМРО-ДПМНЕ, но не е член на партијата.

Пратенички групи формираа СДСМ и коалицијата „Можеме“, ДУИ, опозициската ВМРО-ДПМНЕ и коалицијата „За обнова на Македонија“ и Алијанса на Албанците и Алтернатива, а како независни ќе делуваат двајцата пратеници од Левица и ДПА.

Координатор на пратеничката група на СДСМ и коалицијата е Јован Митрески, а заменик Соња Мираковска, а претседателот на Собранието дополнително ќе биде известен за вториот заменик-координатор. Барањето е потпишано од 46 пратеници.

Координатор на пратеничката група на ДУИ е Изет Меџити, а заменик координатор е Арбер Адеми, а за вториот заменик дополнително ќе биде известено. Во оваа пратеничка група се 14 пратеници.

Никола Мицевски останува координатор на пратеничката група на опозициската ВМРО-ДПМНЕ и коалицијата, а негови заменици се две жени, Дафина Стојановска и Ели Панова. Пратеничка група има 44 пратеници, а Игор Дурловски, како што стои на собранискиот сајт, во евидентен лист се изјаснил како независен пратеник.

Пратеничката група на коалицијата Алијанса на Албанците и Алтернатива ја сичнуваат 12 пратеници, координатор е Скендер Реџепи, а заменици се Сурија Рашиди и Илире Даути.

Од Левица се Димитар Апасиев и Борислав Крмов, а од ДПА Мендух Тачи.

Врз основа на член 33 од Деловникот за работа на Собранието пратеничката група ја сочинуваат најмалку пет пратеници кои припаѓаат на една или на повеќе политички партии, а пратеникот може да биде член само на една пратеничка група.

Пратеничката група определува координатор на пратеничката група и до
двајца заменици.

Врз основа на овој член, пратеничката група на претседателот на Собранието му доставува список потпишан од секој член на групата, координаторот и неговиот заменик.

Пратеничката група има право на стручна помош и право да користи
посебна просторија, согласно со бројот на пратениците.

За промената на составот на пратеничката група, на координаторот и на
неговиот заменик, се известува претседателот на Собранието, кој затоа ги
известува пратениците.

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе