Ново партнерство

Во Гостивар почна да функционира коалицијата ВМРО-ДПМНЕ и Алијансата за Албанците

Градоначалникот на Гостивар Арбен Таравари од Алијансата за Албанците во општинскиот Совет ја презеде контролата од СДСМ и ДУИ.

Нов претседател на Советот на општина Гостивар е Бесим Мемеди од АА. Тој беше избран на вчерашната седница на Советот откако досегашниот претседавач Насир Муслиу од ДУИ поднесе оставка. Со промената беше промовирно и новото мнозинство кое се создаде околу Алијансата за Албанците.

Клучниот глас за промена на мнозинството што доскоро го предводеа ДУИ и СДСМ дојде од советникот Кашмир Салиу од Демократскиот сојуз на Ромите.

За изборот на новиот претседавач Мемеди, гласаа советниците од Алијансата, ВМРО-ДПМНЕ, двајцата советници од НДП беа воздржани, а советниците од ДУИ и СДСМ беа против. Со ваквиот распоред на силите Советот има мнозинство кое го предводи партијата на градоначалникот Арбен Таравари, Алијанса на Албанците.

По промената на силите во Советот на oпштина Гостивар, се огласи гостиварскиот огранок на ДУИ.

„Заврши скоро двегодишниото жалење на Арбен Таравари за наводна опструкција од страна на мнозинството во општинскиот Совет. Претседателот Насир Муслиу поднесе оставка, отворајќи пат за избор на нов претседател, кој беше изгласан со помош на ВМРО-ДПМНЕ и советникот Ром, кој беше во коалиција со оваа партија, на последните локални избори. Ова назначување, за жал не беше донесено со волја на мнозинството албански советници и изборот на албанските граѓани на последните локални избори. Отсега Таравари нема простор  за жалење, изговори и манипулација со јавното мислење. ДУИ ќе продолжи да ја разоткрива и  осудува политиката на локалната самоуправа во Гостивар и во иднина“.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе