Претседателски избори 2019

Во Европа нема со амнестирани криминалци, порача Мицкоски од Центар Жупа и од Ростуше

Во рамките на предизборната кампања за претседателските избори, претседателот на опозициската ВМРО-ДПМНЕ Христијан Мицкоски на средбите со жители на Центар Жупа и Ростуше порача дека „најголемиот проблем со кој се соочуваат граѓаните во овие население места е токму иселувањето на луѓето, кои си заминуваат поради безперспективноста”.

Според Мицкоски, тука не минуваат приказните на Зоран Заев и Стево Пендаровски за некаква си розева слика и реалност и европската иднина која цело време ја ветуваат, но никако не може да ја донесат. 

„Во Европа со амнестирани криминалци нема, во Европа нема со криминални иновации, со евро за Вицето и евро за црквата”, рече тој.

Мицкоски уште додаде дека „овие луѓе живеат жално секојдневие, а уште пожална е нивната иднина со Заев и СДСМ на власт”.

Државата, како што кажа пред жителите на двете места, пропаѓа и се уназадува на секое поле, младите масовно се иселуваат, а „на овие црнила  мора да им се стави крај”.

„Затоа мора да се даде надеж, да се донесе правда, да се победи стравот и да се верува дека Македонија ќе успее. А ние заедно ќе го оствариме тоа”, рече Мицкоски.

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе