Реакција

ВМРО-ДПМНЕ: Заев и Спасовски немаат кредибилитет веќе да извршуваат функции

СДСМ е единствената партија во Европа која ја води лице, три пати аболицирано за тежок криминал и злоупотребувајќи ја моќта и институциите наредува политички прогон врз опозицијата, се вели во реакцијата на ВМРО-ДПМНЕ на соопштението на СДСМ.

„И аболицираниот Зоран Заев и министерот за прогон Оливер Спасовски точно знаеја дека Никола Груевски не е во својот дом, а уште помалку во штабот на ВМРО-ДПМНЕ. Точно знаеја каде е Никола Груевски но одлучија да вршат претреси, притисоци и закани врз членови на ВМРО-ДПМНЕ во обид да си ја „ишнат“ мувата од капите

Одговорност и оставки мора да има.

Кога во мистериозни околности избега убиецот на младиот фудбалер Јанушев, одговорност немаше. Избега и еден од убијците на младиот Саздо, повторно немаше одговорност. Избегаа и убијците од „Рузвелтова“ и како по правило немаше одговорност. Аболицираниот Заев и министерот за прогон Спасовски немаат ни капацитет, ни кредибилитет веќе да извршуваат функции.

Заев и Спасовски креираат евтин политички театар за покривање на нивната немоќ и неспособност.

Министерот за прогон и терор Оливер Спасовски и Зоран Заев нека одговорат кого лажат и кого замајуваат.

 СДСМ имајќи ги во раце неограничените ресурси на државната безбедност сакаат лажно да прикажат дека не знаат за движењето на Никола Груевски? Тоа е дилема која треба тие да ја одговорат.

ВМРО-ДПМНЕ не се согласува со самото заминување на Никола Груевски, тоа не е опција дури и дури кога сите знаат дека се работи за политички прогон.Одговорноста за бегството на Никола Груевски лежи единствено во власта со која предводи Заев и Спасовски“, велат од ВМРО-ДПМНЕ.

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе

Четирите предложени амандмани треба да им го оневозможат луксузот што го имаа сите досегашни влади, на сите идни влади - спорот за името да им биде изговор за несовесно работење, корупција и системски пропусти.

повеќе

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе