Владиката Агатангел со летоци во сандачињата повикува на бојкот на референдумот

Во поштенските сандачиња низ Скопје масовно се ставаат летоци на кои се повикува бојкот на референдумот, а на кои е потпишан владиката Агатангел.

Полн со предупредувања и повици, во стилот „Европа ја демне опасноста од новото паганство“ и „жестоката и бескрупулозна индустријализација ги голта душите“, долгиот леток завршува со:

„Бидете внимателни, сите се во игра, и власт и опозиција. Сите сакаат да го натоварат македонскиот народ со тешкото бреме на срамот од себеукинувањето. Но силата е во нас, во секој поединец, без разлика на вера и национална припадност. Ние и понатаму ќе треба едни покрај други да живееме, а тие и така не се дел од нашиот свет, туку животарат во светот на илузиите и краткотрајните задоволства. Им посакуваме среќен пат во мочуриштето на нечесноста, а чесниот македонски народ, како и другите чесни народи кои живеат во оваа наша татковина, ги повикувам да застанат на браникот на нашиот заеднички дом.

Бојкотот на претстојниот лажен и погубен референдум нека биде почеток на една поинаква и просперитетна Република Македонија, која ќе биде поставена и втемелена врз принципите на законот кој произлегува од моралот и слободата. Нека засветли силно сонцето на правдата и нека изгрее од нашите срца светлината на меѓусебната почит и разбирање.“

Објавено

Четврток, Септември 20, 2018 - 14:16

Според Законот за вработените во јавниот сектор, службениците можат да примаат подароци во вредност до 3000 денари годишно, што се смета за „пониска вредност“.

повеќе

Кинеското присуство во Македонија не треба да се преценува или стигматизира, туку да се искористи,

повеќе

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе