На денешната седница

Владата ќе го разреши Велковски, Тони Јакимовски од СВР Скопје најсериозен кандидат за директор на БЈБ

Разрешувањето на Лазе Велковски, директорот на Бирото за јавна безбедност (БЈБ) е на дневен ред на денешната владинa седница. Според неофицијалните информации најсериозен кандидат за негов наследник на чело на БЈБ е Тони Јакимовски,  досегашен началник на СВР Скопје.

Јакимовски важи за близок соработник на Велковски, а бил и член на МАРРИ регионалниот центар.

Предлогот за разрешување на Велковски беше поднесен од министерот за внатрешни работи, Оливер Спасовски, пред една седмица, откако Одделот за внатрешна контрола и професионални стандарди утврдил дека џипот „ренџ ровер дискавери спорт“ со регистарски таблички СК-9559-АЛ бил пратен во Грција со налог потпишан од директорот на јавна безбедност, а со возилото управувал вработен во Одделот за заштита на определени личности и објекти. Џипот, според пишувањата на медиумите, ги превезувал ќерката на Велковски и нејзини другарки.

Премиерот Зоран Заев вчера по одбележувањето на годишнината на Рамковниот договор, рече дека директорот на Бирото за јавна безбедност, Лазе Велковски, иако е професионалец, направил грешка и поради тоа треба да понесе одговорност и додаде дека предлогот за неговото разрешување на е внатрепартиска пресметка.
ѝСекако јас верувам дека тој ќе остане и понатаму значаен фактор во МВР заради тоа што е важен со неговото искуство и е од помош на државата“, изјави Заев.

 

На 20 јануари 2019 владата на САД веќе цел месец е делумно блокирана поради инсистирањето на Трамп да добие 5,7 милијарди долари од Конгресот за финансирање на неговиот расистички и средновековен пограничен ѕид.

повеќе

Луѓето се љубопитни суштества, колку и да го одрекуваат тоа.

повеќе

Институциите пристапуваат кон барањата на информации од јавен карактер со одреден сомнеж.

повеќе