Владата ќе бара соодветни простории за Антикорупциската комисија, вели Заев

Владата и натаму ќе бара соодветни простории за Антикорупциската комисија, истакна Заев на денешната прес-конференција одговарајќи на новинарско прашање зошто новата зграда отиде во рацете на Министерството за политички систем на Артан Груби, наместо кај ДКСК.

Според Заев, лани владата одвоила пари за реконструкција на постојните простории на Антикорупциска, а за оваа година наместо 11 милиони денари, предвидени се плус 38 милиони денари за компјутери и опрема.

„Оваа Влада покажува комплетна насоченост и почитување на сите регулаторни тела во државата и презема конкретни мерки за нивно подобро функционирање, а пред се кон Државната комисија за спречување на корупцијата. По нејзините укажувања државата има постапувано неколку пати и секогаш сме за пример во делот на постапувањето како Влада - дали станувало збор за вработување и судир на интереси што биле воочени кај некои луѓе, дали за постапување на одредени директори за кои беше укажано и Владата ги разгледуваше и постапуваше по тие случаеви, дали за конкретни случаеви за кои се расправаше на посебни седници на Владата, токму со цел како Влада да бидеме респонзивни кон укажувањата на Комисијата, така што сето тоа е докажано и и е добро познато на јавноста, објасни премиерот Заев алудирајќи на тоа колку Владата со која раководи ја почитува ДКСК како регулаторно тело.

Според него, Владата останува да им служи на сите институции, без разлика дали тие се владини, независни, правосудни, општински...

Разликата е само во тоа што првиот потпретседател на Владата, Артан Груби, исто како и другите министри, направија откажување од многу други непродултивни трошоци, и за сметка на тоа му се врати кредитот на ЈП за станбен и деловен простор, за кој државата плаќаше камати. И сега со овие пари Станбеното ќе го врати кредитот, и ќе се намали задолженоста. Тоа се само два различни модели за обезбедување на просторот“, рече Заев.

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе