Василевска: ВМРО-ДПМНЕ застанува зад сите барања на здруженијата на глувите и глувонемите

Денеска имавме средба со претставници од здруженијата на глувите и глувонемите и овие лица, оваа загрозена категорија искажаа вистина загрижувачки и алармантни пораки во однос на нивниот статус во државата, изјави Иванка Василевска од ВМРО-ДПМНЕ. Таа во својата изјава додава дека од таа причина како идна власт и како ВМРО-ДПМНЕ застануваат зад сите нивни барања и упатуваат порака до македонските граѓани дека ВМРО-ДПМНЕ веднаш по 12-ти април ќе пристапи кон итна имплементација на нивните неопходни потреби.

„Денеска нашите сограѓани не информираа дека бараат покачување на додатокот за глуви и глувонеми, и ние ветуваме дека истиот додаток ќе го примениме и од 4.000 ќе дадеме 6.000 месечен додаток. Исто така ветуваме дека ќе биде имплементиран законот но и дека ќе има измени и дополнување на законот за знаковен јазик, како и заживување и примена на законските обврски во сите државни институции.Оттаму нивните барања се дека толкувачите на македонскиот знаковен јазик треба да бидат под министерството за правда со третман како и останатите преведувачи од гласовните јазици. Дека е неопходно да се воведат сервисни центри кои ќе им обезбедуваат толкувачи за глувите лица за сите нивни потреби, и приватни и пред државните институции. Дека е неопходно организирање на редовни обуки за изучување на знаковниот јазик како што е предвидено за остручување на доволен број на толкувачи кои ќе можат да ги опслужуваат другите лица во државата. И секако да се предвиди буџет за ангажман на толкувач во секоја институција пред се во судовите, обвинителството и полициските станици, за секое глуво лице кое има потреба да се јави во постапка пред испит. Таа обврска стои моментално во законот за употреба на знаковниот јазик но не се практикува", вели Василевска во изјавата.

„Од таа причина евидентно е дека Владата на СДСМ остана глува за глувите и за луѓето со попречен говор или глувонемите кои навистина имаат неопходна потреба да бидат третирани еднакво како и останатите граѓани. Бидејќи Уставот на Република Македонија предвидува еднаква застапеност на сите пред државните институции и овозможување на социјалната правда која им е неопходна за да тие да можат да го почувствуваат својот живот. Оттаму ја поздравуваме нивната иницијатива и застануваме спремни за нивните барања и ветуваме дека по 12-ти април за шест месеци најдоцна од моментот од формирање на Владата, сите овие барања ќе бидат имплементирани и ќе се испочитуваат", додава таа.

 

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе