За да немало дестабилизација во регионот

Варвициотис: ЕУ да одобри преговори истовремено и со Северна Македонија и со Албанија

Официјална Атина смета дека Европската Унија треба да даде зелено светло за почеток на пристапни преговори истовремено за Северна Македонија и Албанија и да нема разделување на кандидатурите на двете земји.

Ваквиот став го изнесе алтернативниот министер за надворешни работи на Грција, Милтиадис Варвициотис на постојаната комисија за национална одбрана и надворешни работи во грчкиот Парламент, со образложение дека почетокот на пристапни преговори само со една земја може донесе дестабилизација на северната грчка граница, јавува МИА од Атина.

„Бидејќи албанскиот елемент е присутен во целиот регион, разделувањето и почетокот на пристапни преговори со само една земја кандидат, може, наместо да ја продлабочи стабилноста, да предизвика одново појавување на дестабилизација на нашата северна граница. Затоа нашата земја смета дека треба истовремено да се донесе одлука за почеток на пристапни преговори за двете земји заедно наместо раздвојување“, објаснил Варвициотис пред членовите на парламентарната комисија.

Тој додал дека Грција отсекогаш ја поддржуваше европската политика на проширување за Западен Балкан, „бидејќи смета дека е силно средство за постигнување мир, стабилност и просперитет за поширокиот регион“, но и дека грчката поддршка е нераскинливо поврзана со почитувањето на условите и со „принципите на самите постигнувања на земјите кандидати“.

Варвициотис на денешната седница на постојаната комисија за национална одбрана и надворешни работи во грчкиот Парламент ги презентирал стратешките цели на грчката надворешна политика, говорел за темите кои што се во негова надлежност, како што се прашањата поврзани со Европската унија, европската перспектива на земјите од регионот, Брегзит и сл.

На комисијата се обратиле и претставниците на останатите партии, кои ги изнесоа нивните ставови за темите поврзани со надворешната политика и поставиле прашања до Варвициотис, по што седницата продолжила зад затворена врата.

Информацијата дека коронавирусот може да се пренесe преку допир со готовина, дополнително ги мотивираше луѓето да се ослободат од банкнотите. 

повеќе

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе