Според него, шансите се мали, иако Европската комисија и германското претседателство на ЕУ сè уште работат со земјите-членки во обид да се најде решение за старт на преговорите со Скопје и Тирана.
„Сѐ уште се надевам, но за жал сѐ помалку е извесно дека оваа година ќе можеме да ги усвоиме преговарачките рамки“, рече Вархеји на дебатата во Европскиот парламент по повод 25 години од Дејтонскиот договор.
Вархеји оцени дека регионот бележи напредок, но оти има уште многу да се сработи на внатрешните реформи, регионалната соработка и зајакнувањето на економиите.
Еврокомесарот за проширување порача дека регионалната соработка и добрососедските односи се клучни за напредок кон ЕУ.
