По повеќе од една година

Утре се отвораат копнените гранични премини кон Грција, преминот Богородица подготвен за предизвикот

Пред најавеното утрешно отворање на копнените гранични премини кон Грција, најфреквентниот граничен премин „Богородица“ е подготвен во секој поглед да одговори адекватно на предизвикот и по повеќе од една година повторно да се врати на некогашната секојдневена динамика на работа, изјави денеска за МИА командирката на граничната полиција Јасмина Аврамска. 

Имаме доволен број на полициски работници и подготвени сме и технички и материјално да одговориме на најавеното отворање на граничните премини со јужниот сосед и покрај тоа што до овој момент од нивна страна немаме добиено никакво известување, рече Аврамска.

Додаде дека вработените полицајци на ГП Богородица и во блиското минато, односно до настапувањето на здравствената криза и затворањето на граничниот премин „Евзони" ефикасно се справувале и со најголемите гранични гужви кои почнуваа токму во овој период од годината.

Во истиот период 2019 година, за 48 часа се регистрирани 6626 македонски граѓани од кои 3680 излегле кон Грција,а 2946 влегле во земјава.Кога ќе се земат во предвид и останатите странски туристи кои најчесто го користат нашиот премин,на дневно ниво низ ГП Богородица транзитирале по околу 15 илјади патници на излез и влез во земјава, нагласи Аврамска.

Ова се бројки кои одат во прилог на констатацијата дека полициските работници без проблем успешно ќе се соочат со зголемена патничка фреквенција на ГП Богородица доколку се случи утрешното најавено отворање на ГП „Евзони" низ кој во моментов се одвива само транспортниот сообраќај.

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе

ДУИ, која по конфликтот го вееше албанското црвено - црно знаме, потоа синото, на следните избори ќе го вее зеленото.

повеќе