Во партијата веќе се шпекулира дека Димитар Ковачевски, актуелниот заменик министер за финансии, би можел да биде наследникот на Заев, кој во петокот не ги потврди, ама не ги ни негираше ваквите гласини.
За Христијан Мицкоски, претседател на ВМРО-ДПМНЕ, единствено решение за излез од кризата е Владата веднаш да се распушти и да се организираат предвремени парламентарни избори. За оставката на Заев, Мицкоски вчера изјави дека е скептик, дека тој неколку пати до сега не си го одржал дадениот збор.
За утре е најавен и состанокот на раководството на Алтернатива кога треба да се одлучи дали ќе оваа партија ќе влезе или не во владината коалиција. Пратеници на оваа партија еднаш ја потпиша иницијативата за уривање на Владата, а сега дискутира за влез во истата. Лидерот на оваа партија, Африм Гаши по средбата со Заев, рече дека е задолжен да разработи две варијанти за решение.
