Утре СДСМ ќе расправа за оставката на Заев, а Алтернатива за или против влез во владината коалиција

По одложувањето на закажаните состаноци на Централниот и Извршниот одбор на СДСМ поради деновите на жалост, утре партиските органи на социјалдемократите ќе се изјаснат за оставката на нивниот лидер Зоран Заев. И раководството на Алтернатива утре конечно ќе реши дали влегува или не во владината коалиција на СДСМ и ДУИ.

Заев побара од ЦО и ИО на СДСМ само да ја констатираат неговата оставка најавена уште на 31 октомври и да почне процедурата за избор на нов претседател на партијата. Меѓутоа неговите блиски соработници и дел од членството сметаат дека тој треба да остане на лидерската партиска позиција и на премиерската функција. Дел од нив дури и предлагаат референдум на партиското членство за потегот на Заев.

Ако утре СДСМ ја прифати оставката на Заев, почнува рокот од 15 дена за распишување внатрепартиски избори за нов претседател. Изборите се непосредни, со тајно гласање за сите пријавени членови. Новиот претседател, како што најави и Заев, треба да биде и мандатар на новата влада. Неофицијално еден од можните претеденти на оваа функции е Димитар Ковачевски, кој што го придружуваше Заев на лидерската средба со Африм Гаши.

Пред една недела Зоран Заев и Африм Гаши, претседателот на Алтернатива, партија која има 4 пратеници, ја имаа последната средба после која премиерот изјави дека посакува парламентарното мнозинство да се засили. Гаши тогаш изјави дека има две опции - да останат во опозиција или да се приклучат кон владејачкото мнозинство.

Дали и колку градовите им служат на интересите на своите граѓани (демократија) или на елитите кај кои се концентрира капиталот (авторитарност)?

повеќе

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе