Собрание

Тасевска: Закон за попис за независна статистичка операција

Законот за попис на населението, домаќинствата и становите во Македонија во 2021 година е важен законски текст, кој заслужува поддршка од сите пратеници, истакна денеска од собраниската говорница пратеничката на СДСМ Лидија Тасевска.

Таа нагласи дека секоја држава членка на ООН има задолжителна обврска да спроведе попис и дека во нашата држава треба да се исполни празнината од цели 18 години без попис.

„Република Северна Македонија има недостаток од квалитетни статистички податоци, а со овој закон се овозможуваат услови за независна статистичка операција со која ќе се прибават квалитетни географски, демографски, економски, карактеристики на лицата со посебни потреби, образовни, етничко-културолошки, миграциони, религиозни карактеристики за населението, домаќинствата и граѓаните во Република Северна Македонија“, рече Тасевска.

Таа нагласи дека законскиот текст за пописот се заснова на транспарентност на процедурите и постапките во реализација на пописот, неутралност и објективност во сите фази на пописот, стручна независност на надлежните органи и користење на научни основи во методолошкиот пристап и подготовката на резултатите, доверливост и заштита на индивидуалните податоци од пописот. Тасевска, упати апел до сите пратеници да го поддржат законот за попис.

„Треба да овозможиме сигурен и предвидлив развој на земјата, стратешкиот развој на сите институции во државата мора да се базира на квалитетни и точни податоци“, порача пратеничката Тасевска.

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе