По синоќешните настани

Сулејман Реџепи: За скандалот во ИВЗ виновни се луѓето од Комисијата за верски заедници

Ваков скандал не паметам во исламската заедница. Ова е незапамтено и незаборавно, изјави синоќа поглаварот на Исламската верска заедница по вонредната седница на Ријасетот на ИВЗ што се одржа во Кондово.

Реис ул улема хаџи Сулејман ефенди Реџепи по завршување на седницата рече декапроблемот го лоцира во Комисијата за односи со верските заедници и религиозни групи, односно нејзините раководни лица.

„Нема да го признаеме никогаш директорот на комисијата Дарјан Сотировски, кој е учесник во ова. Цело време ме замолува да го прифатам дека ќе биде добар, бидејќи за да биде на оваа функција треба да биде прифатен од сите, но такви не се грижат за исламот. Бараме да си замине и неговиот заменик Албанец, кој нема глас и е слеп, нема сенс“, рече Реџепи.

Тој праша зошто на другите верски заедници им се овозможува мирна и спокојна работа, а Владата и државните органи се насочени само против Исламската верска заедница.

„Немам тендери да поделам. За цел свет сум носител на мир и спокојство, на соживот и толеранција, само тука демонстрирам сила“, посочи поглаварот на ИВЗ и додаде дека не сакаат власта и политиката да прават зулум во народот.

„Зборувам во име на 13 муфтивства во земјав. Во име на сите едногласно беа усвоени заклучоците дека ваква власт, која се занимава со ујдурми, која шири анархија не ни треба. Ние ова не го сакаме, ниту го заслуживме. Остануваме да бидеме примерна зедница“, изјави поглаварот по завршување на вонредната седница на Ријасетот на ИВЗ.

Според него политиката е таа која засадува омраза меѓу верските заедници. Реџепи порача дека чашата ќе се прелее ако се посегне по Али пашината џамија.

За Реџепи Скендер Бузаку е отпадник од ИВЗ, а за судската одлука рече дека судот се впуштил во една невидена авантура.

Вчера почна да се спроведува судската одлука со која Скендер Бузаку во регистарот на црквите и верските заедници Бузаку треба да биде впишан како нов поглавар на ИВЗ.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе