„Стоп за грабежот“ бара проверка на судиите и враќање на извршителите во судот

Неформалното здружение на граѓани „Стоп за грабежот“ денеска на прес-конференција побара повторно извршителите да се вратат во рамки на судот.  На тој начин, како што велат, ќе имаме поправични судења и поправични процеси и ќе дојдеме повеќе до правда. Истовремено бараат и ветинг на судиите.

„Бараме ветинг на судиите затоа што во самата судска власт имаме криминални судии. Имаме и во Судскиот совет, кој формално постои и не ги надгледува судиите, односно не си ја работи работата. Тоа е сѐ формално. Судиите и во Основен 1 и Основен 2, Судскиот совет, обвинителите и Советот на обвинителите не си ја работат работата“, изјави Ана Глигорова, член на „Стоп за грабежот“, коешто организираше и протестен марш од пред Министерството за правда до комплексот судови.

Горан Новаковски од здружението, пак, рече дека пријавил 213 судии, пред сѐ до Американската амбасада. Тој побара Републичкиот судски совет да закаже јавна седница за претставката што ја доставил за работењето на судиите. Врз основа на неговата претставка, како што рече, поднеле иницијатива за измена на Законот за судии и обвинители до Адвокатска комора и до Министерството за правда.

„Со овие претставки што ги поднесувам секаде и до Министерството за правда сакам директно да ги посочам тогашните врховни судии, ‘сваровски судии‘, криминалци судии коишто ни носат две дијаметрално спротивни ревизии. Првата во 2011, а втората во 2013 по нарачка, се сомневам од бившиот диктаторско-рекетарски режим на чело со Груевски, Мијалков, Латас, преку Филимена и Михајло Маневски. Претпоставувам таму се јавиле во Врховен суд кај Јово Вангеловски тогаш и директно ги посочувам судиите, тогашни врховни судии Киро Здравев, којшто моментално е претседател на Републички судски совет, Николче Николовски, Емилија Блажевска, Мирјана Радева Стевкова, Сафет Алиу и Џемали Саити. Врз основа на оваа претставка на која до ден денес не ми е одговорено барам јавно да се закаже седница на Републички судски совет и да се расправа по мојата претставка, бидејќи сакам да биде запознаена целата јавност, рече Новаковски.

МИА

 

 

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе