Шефот на државата на средба со шефот на НАТО

Столтенберг и Пендаровски: Шпекулациите за промени на границите носат нестабилност

Генералниот секретар на НАТО, Јенс Столтенберг, реагираше на шпекулациите кои произлегоа од наводните нон-пејпери за прекројување на границите на Западниот Балкан и порача дека тие носат само нестабилност и неизесност во регионот. Претседателот Пендаровски изјави дека тој и во минатото предупредил против вакви опасни идеи на поделба по етничка линија во регионот и увери дека ниеден од неговите соговорници во ЕУ или во НАТО не поддржува вакви концепти какви што содржат наводните нон пејпери.

„Не е на мене да коментирам нешто што не сум го видел или прочитал но секоја шпекулација за промена на граници само ќе донесе повеќе неизвесност и нестабилност во регионот, шпекулациите не се од помош, изјави шефот на северноатлантската алијанса на прес-конференција во Брисел по средбата со претседателот Стево Пендаровски, јави МИА.

Тој истакна дека стабилноста на Западниот Балкан е од клучна важност за регионот како и за цела Европа и дека НАТО инвестира во безбедноста на регионот и преку своето присуство и преку политиката на отворени врати за нови земји членки.

Претседателот Пендаровски од своја страна изјави дека тој и во минатото предупредил против вакви опасни идеи на поделба по етничка линија во регионот и увери дека ниеден од неговите соговорници во ЕУ или во НАТО не поддржува вакви концепти какви што содржат наводните нон пејпери.

Според него лицата што стојат зад овие документи и самите се срамат од напишаното со оглед на тоа дека остануваат анонимни.

Што се однесува до билатералниот спор помеѓу Бугарија и Северна Македонија, генералниот секретар на НАТО ги охрабри двете страни да изнајдат решение и потсети дека Алијансата претставува платформа за дикусија.

„Секогаш имало разлики помеѓу сојузниците, но ние сме и платформа каде се здружуваме и се ангажираме во дијалог", рече Столтенберг, потсетувајќи дека токму благодарение на лидерство во Скопје, Атина и Софија се постигнати договорите кои овозможија Северна Македонија да стане полноправна членка на Алијансата минатата година.

Првиот човек на НАТО нагласи дека Северна Македонија е висока вреднувана земја сојузничка во Алијансата како за нејзиниот придонес во мисиите и проектите на НАТО така и за нејзината заложба до 2024 година да постигне буџетска стапка од два отсто од бруто домашниот производ посветена на одбраната.

Претседателот Пендаровски ја потврди оваа заложба, а прашан дали во време на пандемија тоа може да им претставува проблем на граѓаните, претседателот нагласи дека сите анкети покажуваат и натаму многу висока поддршка на граѓаните на Северна Македонија за НАТО.

„Во нашата комуникација со владата сме имале долги дискусии како да се распределат ретките ресурси помеѓу одбраната, економијата и здравството и пронајдовме добар баланс затоа што сите овие работи се поврзани. Одвоивме една милијарда евра за граѓаните и најранливите меѓу нив преку петте пакети на мерки и го зголемуваме буџетот за одбрана како што се заложивме пред почетокот на пандемијата од ковид", рече Пендаровски.

Тој додаде дека според меѓународните анкети Северна Македонија е меѓу првите држави со висока поддршка за членство во Алијансата, рамо до рамо со некои од најстарите земји членки.

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе