Столтенберг и формално му ја врачи на Заев поканата за членство во НАТО

Членството на Македонија во НАТО уште повеќе ќе ја зголеми безбедноста и стабилноста и ќе служи како позитивен пример за Западен Балкан, порача премиерот Зоран Зоран денеска во Брисел, откако претходно на свечена церемонија заедно со генералниот секретар на Алијансата Јенс Столтенберг ја потпишаа поканата за прием на земјата. 

Столтенберг по потпишувањето кажа дека ова е клучен пробив кој го отвори патот за полноправно членство, деталните пристапни преговори сега ќе започнат. Според него, откако сите национални процедури ќе завршат и откако ќе биде ратификувано од земјите членки, Македонија ќе стане 30-та членка на НАТО со еднакво место на маса, еднаков глас во дискусиите и еднакво право на гласање во најуспешниот воен сојуз.

„Голема чест и привилегија да се обратам по повод поканата за Република Македонија да стане членка на НАТО. Ние сме горди и благодарни. Тоа е историска одлука за иднината на мојата земја.

Признание за работата на сите македонски политичари од независноста до денеска, признание за сите наши граѓани, граѓанското општество и за сите што нетрпеливо го чекаа овој ден. Бидете уврени дека нашето членство во НАТО уште повеќе ќе ја консолидира демократијата во регионот. 

Како идна 30. земја-членка на Алијансата сме подготвени да дадеме позитивен пример во регионот и да придонесеме за натамошно обликување на регионот на Западен Балкан како мирен и просперитетен регион”, рече Заев.

Столтенберг порача дека откако протоколот за прием на земјата ќе биде ратификуван од сите земји-членки Македонија и формално ќе стане 30. членка на Алијансата.

 

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе

Граѓаните сѐ повеќе ја согледуваат неопходноста од непартиска форма на самоорганизирање.

повеќе

Придобивките од дрвјата за урбаниот екосистем и квалитет на воздухот можат да се зголемат со систематско планирање на зелениот простор. Дизајнирањето на зелените простори во градовите треба да ја опфати и функцијата за чистење на воздухот.

повеќе