ВМРО-ДПМНЕ за поднесените 397 амандмани на буџетот

Стојановски: Имаме и амандман за бесплатни ПЦР тестови за сите граѓани

СДСМ на чело со Заев во услови на страшна здравствена, економска, образовна и национална криза, креираа гломазен и партиски, наместо развоен и граѓански буџет, поради што поднесовме 397 амандмани со кои, меѓу другото, бараме бесплатно тестирање на граѓаните за ковид-19 и бесплатни компјутери за секој ученик и наставник, рече пратеникот на ВМРО-ДПМНЕ Бојан Стојановски.

„Поднесовме амандмани кои се однесуваат на здравствената криза предизвикана од ковид-19 за која сме рекордери во црните статистики и негативен пример, како во Европа, така и пошироко. Поднесовме амандмани за бесплатни ПЦР тестови за сите граѓани, како и дополнителни мерки и помош за здравствените работници, но и за градежни зафати за изградба на нови и реновирање на веќе постоечки инфективни одделенија ширум болниците", рече Стојановски.

Тој додаде дека се поднесени и амандмани за набавка на компјутери за сите ученици и за сите наставници и професори, како и за решавање на проблемот со загадувањето на воздухот во зимските месеци.

„Од друга страна, и покрај овие моментално најголеми и најактуелни проблеми со кои се соочуваме сите граѓани во Република Македонија, ние како пратеници на ВМРО-ДПМНЕ, исто така поднесовме голем број на амандани кои се поврзани и се однесуваат на локалните проблеми и барања на граѓаните односно проблеми со кои граѓаните секојдневно се соочуваат. Тука спаѓаат водоводни и канализациони мрежи, локални и регионални патишта, нови градинки, старечки домови и други проекти кои им се неопходни на граѓаните во секојдневното живеење", рече Стојановски и апелира власта да ги прифати амандманите, зашто според него, предложениот Буџет е лош за граѓаните, за фирмите, за странските инвеститори, за здравствените работници, за образованието, за земјоделците, за пензионерите и за младите.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе